පෞද්ගලිකත්ව ප්‍රතිපත්තිය (Privacy Policy)

ජඹුරලිය ගමේ පොළ (gamepola.lk) වෙත ඔබ දක්වන විශ්වාසය අපි ඉතා අගය කරමු. ඔබ පාරිභෝගිකයෙකු හෝ වෙළෙන්දෙකු (Vendor) වුවද, ඔබගේ දත්තවල රහස්‍යභාවය සහ ආරක්ෂාව තහවුරු කිරීම අපගේ ප්‍රමුඛතාවයයි.

1. ආරක්ෂිත ගෙවීම් ක්‍රමවේද (Payment Methods)

අපගේ වෙබ් අඩවිය හරහා ගනුදෙනු කිරීමේදී ඔබට පහත ආරක්ෂිත ක්‍රමවේද භාවිතා කළ හැක:

• භාණ්ඩ ලැබුණු පසු මුදල් ගෙවීම (Cash on Delivery): ඇණවුම නිවසටම ලැබුණු පසු මුදලින් ගෙවිය හැක.

• බැංකු කාඩ්පත් (Visa / Master Card): ඕනෑම බැංකු කාඩ්පතක් හරහා ආරක්ෂිතව (Online) ගෙවීම් කළ හැක.

• බැංකු තැන්පතු (Online Bank Transfer): අපගේ බැංකු ගිණුමට සෘජුවම මුදල් තැන්පත් කර එම රිසිට්පත අප වෙත යොමු කළ හැක.

විශේෂ සටහන: ඔබ බැංකු කාඩ්පත් මගින් සිදුකරන ගෙවීම් ඉතා ආරක්ෂිත පද්ධති (Secure Payment Gateways) හරහා සිදුවන අතර, අපගේ වෙබ් අඩවියේ ඔබගේ කාඩ්පත් අංක හෝ රහස්‍ය අංක (CVV) කිසිසේත්ම ගබඩා කරගනු නොලැබේ.

2. අපි ලබාගන්නා තොරතුරු

• පාරිභෝගිකයන්ගෙන්: ඇණවුම් කිරීමේදී ඔබ ලබාදෙන නම, භාණ්ඩ එවීමට අවශ්‍ය ලිපිනය, දුරකථන අංකය සහ ඊමේල් ලිපිනය.

• වෙළෙන්දන්ගෙන් : වෙළඳසැලේ නම, ව්‍යාපාරික ලිපිනය, සම්බන්ධ කරගැනීමේ අංක සහ ගෙවීම් පියවීමට අවශ්‍ය බැංකු ගිණුම් විස්තර.

3. වෙළෙන්දන් (Vendors) සඳහා වන රීති

අපගේ වෙබ් අඩවිය බහු-වෙළෙන්දන් සහිත (Multivendor) පද්ධතියක් බැවින්:

• පාරිභෝගිකයෙකු ඇණවුමක් කළ විට, එම භාණ්ඩය බෙදාහැරීමට අවශ්‍ය පාරිභෝගිකයාගේ නම, ලිපිනය සහ දුරකථන අංකය පමණක් අදාළ වෙළෙන්දාට ඔවුන්ගේ Dashboard එක හරහා දැකගත හැක.

• මෙම තොරතුරු භාණ්ඩ බෙදාහැරීමේ කාර්යයට පමණක් භාවිතා කළ යුතු අතර, වෙනත් කිසිදු පෞද්ගලික හෝ ප්‍රචාරණ කටයුත්තකට භාවිතා කිරීම වෙළෙන්දන්ට සපුරා තහනම් වේ.

4. Google One Tap සහ Social Login

අපගේ වෙබ් අඩවියට පහසුවෙන් පිවිසීමට ඔබ Google ගිණුම භාවිතා කරන්නේ නම්, ඔබගේ ගිණුමේ මුරපද (Passwords) අප වෙත ලැබෙන්නේ නැත. එය සම්පූර්ණයෙන්ම Google පද්ධතියේ ආරක්ෂාව යටතේ පවතී.

5. ඔබගේ දත්ත භාවිතය

• ඇණවුම් කළ භාණ්ඩ නිවැරදිව බෙදාහැරීම සහතික කිරීමට.

• ඇණවුම් සම්බන්ධයෙන් ඔබව දැනුවත් කිරීමට.

• වෙබ් අඩවියේ සේවාවන් සහ ආරක්ෂාව වැඩි දියුණු කිරීමට.

6. දත්ත ආරක්ෂාව

ඔබගේ කිසිදු පෞද්ගලික තොරතුරක් බාහිර ප්‍රචාරණ ආයතන වෙත විකිණීම හෝ හුවමාරු කිරීම සිදු නොකරන බවට අපි සහතික වෙමු.